|
Groter
weergawe |
Riana se Repertoire
Woord-in-Sang Bediening
Spreek onder mekaar met psalms en lofsange
en geestelike liedere;
en sing en psalmsing in julle hart tot eer van die Here, terwyl julle God die Vader
altyd vir alles dank
in die Naam van onse Here Jesus Christus
Efesiërs 5 : 19-20
|
Riana bedien graag met liede vanaf enige van haar albums, asook die "Saamsing met SOUT" albums. Behalwe vir dit wat op die albums verskyn, het sy ook 'n stewige repertoire Kerssangliedere, Paasliedere en ander liede vir spesiale geleenthede soos troues en begrafnisse.
Riana het 'n landswye bediening reg oor Suid-Afrika. Sy is beskikbaar vir bediening, aanbiedings en gebeure en hoor baie graag van mense, organisasies, gemeentes en so meer wat van haar Woord-in-Sangbediening gebruik wil maak. Sy is beskikbaar vir spesiale geleenthede, of dit nou eredienste, aanddienste, spesiale dienste, bid-ure, vroue- of jeugbyeenkomste, vrouetees, feeste, fonds-insamelings, Kerssangdienste, karnavalle, inwydings, sportgeleenthede, radio- of TV onderhoude of soortgelyke funksies is. Van tehuise vir bejaardes of ouetehuise, tot intense aanbiddings-geleenthede en selfs hartseer geleenthede soos begrafnisse, is deel van Riana se bediening.
Wil u dalk iets pragtigs by 'n baie spesiale geleentheid soos 'n troue laat sing? Riana se liederelys sluit onder andere in treffende huweliksbevestiging-liedere. Kontak haar gerus. Haar deelname aan u funksie sal 'n groot bydrae lewer en sommer wonderlik aangenaam wees vir die mense teenwoordig.
Neem asseblief die vrymoedigheid om Riana te kontak indien u miskien so 'n geleentheid beplan, of dalk 'n spesifieke lied wou aanvra. U kan Riana se Kalender
besoek vir beskikbare datums.
Nuuskierig om te sien of Riana alreeds jou stad, dorp of omgewing besoek het? Besoek Gebeure 2012,
Gebeure 2013, Gebeure 2014 of Gebeure 2015.
|
