Laat julle lig só skyn voor die mense, dat hulle julle goeie werke kan sien en julle Vader wat in die hemele is, verheerlik.
Matthéüs 5:16

Kliek op duimnaels vir 'n groter weergawe

Bybelvers: Filippense 3:14
Maar een ding: ek vergeet die dinge wat agter is en strek my uit na wat voor is,
en jaag na die doel om die prys te verkry van die hoë roeping van God
 in Christus Jesus.

Bybelvers: Efesiërs 6:12
Want ons worstelstryd is nie teen vlees en bloed nie, maar teen die owerhede,
teen die magte, teen die wêreldheersers van die duisternis van hierdie eeu,
teen die bose geeste in die lug.

Bybelvers: 1 Johannes 1:9
As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig.

Bybelvers: Efesiërs 3:14-19
Om hierdie rede buig ek my knieë voor die Vader van onse Here Jesus Christus,
van wie elke geslag in die hemele en op die aarde Sy naam ontvang, dat Hy aan julle mag gee na die rykdom van Sy heerlikheid om met krag versterk te word deur Sy Gees in die innerlike mens, sodat Christus deur die geloof in julle harte kan woon, julle wat in die liefde gewortel en gegrond is, en julle in staat kan wees om saam met al die heiliges ten volle te begryp wat die breedte en lengte en diepte en hoogte is, en die liefde van Christus te ken wat die kennis oortref, sodat julle vervul kan word tot al die volheid van God.

Bybelvers:Psalm 51:19
Die offers van God is 'n gebroke gees;
'n gebroke en verslae hart sal U, o God, nie verag nie!

Bybelvers: Efesiërs 3:20 en 21
En aan Hom wat mag het om te doen ver bo alles wat ons bid of dink, volgens die krag wat in ons werk, aan Hom die heerlikheid in die gemeente in Christus Jesus deur alle geslagte tot in ewigheid! Amen.

Bybelvers: Psalm 89:9
o HERE, God van die leërskare, wie is soos U? Grootmagtig is U,
o HERE, en u trou is rondom U!

Bybelvers: 1 Johannes 4:16
En ons het die liefde wat God tot ons het, leer ken en geglo. God is liefde;
en hy wat in die liefde bly, bly in God, en God in hom.

Bybelvers: Job 40:20 – Job 41:25
Want die berge lewer vir hom voer, en al die wilde diere van die veld speel daar.
Onder lotusbome lê hy, in 'n skuilplek van riete en moeras.
Lotusbome oordek hom as sy skaduwee, die rivierwilgers omring hom.
As die rivier swel—hy word nie verskrik nie; hy voel gerus, ook al bruis 'n Jordaan teen sy mond. Sal 'n mens hom gryp terwyl hy jou aankyk, met vangtoue sy neus deurboor? Kan jy die krokodil met 'n hoek uittrek? En met 'n tou sy tong afdruk?
Kan jy 'n tou van biesies in sy neus sit? En sy kakebeen met 'n haak deurboor?
Sal hy jou baie smeek? Of met jou spreek in sagte woorde?
Sal hy 'n verbond met jou sluit, dat jy hom vir altyd as slaaf aanneem?

Bybelvers: Openbaring 5:12
en met 'n groot stem het hulle gesê: Die Lam wat geslag is, is waardig om te ontvang die krag en rykdom en wysheid en sterkte en eer en heerlikheid en lof.

Bybelvers: Jeremia 29:11
Want Ék weet watter gedagtes Ek aangaande julle koester, spreek die HERE, gedagtes van vrede en nie van onheil nie, om julle 'n hoopvolle toekoms te gee.

Bybelvers: Jesaja 40:31
maar die wat op die HERE wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie.